Símar með Android stýrikerfi - öryggishættur - Þjófar geta stolið af þér fé, auðkennum o.fl.

 Android símar eru í hraðri útbreiðslu enda hægt að fá tiltölulega ódýrar útgáfur af  slíkum símum. Android símarnir eru með svipaða möguleika og t.d. Apple Iphone símarnir en eru verulega ódýrari. Alls kyns ókeypis forrit eru í boði fyrir notendur Android síma og mjög einfalt fyrir notendur þeirra að hlaða þeim niður og setja upp á síma sínum.

En aðgát skal höfð! Það þarf að vara sig á hverju maður hleður niður á Android síma! Það er vissara að vera með þessi mál á hreinu. Þrjótar geta stolið af þér fé, auðkennum o.fl. ef ekki er hafður varinn á!

Í versta falli geta þjófar í raun yfirtekið símann þinn, tekið út peninga í netbönkum og keypt vörur og þjónustur í þínu nafni a.m.k. þar til slíkt uppgötvast. Kannski gera þrjótarnir þetta í svo litlum mæli hjá hverjum (en hjá mörgum) að þetta uppgötvast síður eða þá seinna en ella. 

Hér að neðan koma nokkrir tenglar, sem geta hjálpað notendum til við að komast að því hvað ber að varast um þessar mundir og líka hvernig hægt er að aðgæta hvort síminn "minn" sé sýktur af einhverri óværu.
Í þessu sambandi er vert að nefna að það fást vírus- og "spy-ware" varnir fyrir Android síma og það hlýtur alltaf að vera betra að vera með slíkar varnir heldur en engar. Almenn skynsemi (sem er víst ekki svo almenn) er þó alltaf númer eitt. Ekki hlaða niður hverju sem er að óathuguðu máli og í einhverju óðagoti!  Í fyrsta tenglinum hér að neðan eru líka leiðbeiningar frá óværuvarnafyrirtækinu Symantec um það hvernig á að skoða hvort síminn "minn" sé sýktur af einhverju:

"If users feel that they may have installed one of these apps, they should also check com.android.providers.downloadsmanager (DownloadManageService) in the “running services“ settings of the phone, as shown in the screenshot below."

http://www.symantec.com/connect/blogs/new-android-threat-gives-phone-root-canal

http://www.androidpolice.com/2011/03/01/the-mother-of-all-android-malware-has-arrived-stolen-apps-released-to-the-market-that-root-your-phone-steal-your-data-and-open-backdoor/

http://blog.mylookout.com/2011/03/security-alert-malware-found-in-official-android-market-droiddream/

http://www.reddit.com/r/netsec/comments/fvhdw/someone_just_ripped_off_21_popular_free_apps_from/

Þróun bíltæknimála fram til ársins 2050 skv. McKinsey: Hleðslustandar fyrir rafbíla dýrari en tankar fyrir vetnisbíla

Samkvæmt þessarri grein 24. nóvember sl. í vefútgáfu Ingeniøren þá setur evrópsk skýrsla frá McKinsey um þróun bíltæknimála fram til ársins 2050 verðmiða á uppbyggingu innviða fyrir bíla framtíðarinnar. Þar kemur það merkilega fram að innviðir fyrir vetnis-/efnarafalabíla séu ódýrari en uppsetning hleðslustanda fyrir rafbíla.
http://ing.dk/artikel/114203-ladestruktur-til-elbiler-bliver-dyrere-end-tankanlaeg-til-brintbiler

Í skýrslunni var m.a. reiknaður út kostnaðurinn við nauðsynlega innviði fyrir mismunandi orkutækni og kemst McKinsey að þeirri niðurstöðu að vetnisinnviðir séu þeir ódýrustu. Verð pr. bifreið á líftíma hennar er á bilinu 1000-2000 Evrur eða 5% af heildarverði hins hlutfallslega dýra vetnisbíls.

Fyrir rafbíl með rafhlöðu er reiknað með hærra verði: Á milli 1500 og 2500 Evrur pr. bifreið á líftíma hennar.

Skýrslan frá McKinsey er hér :http://www.zeroemissionvehicles.eu/
Tvær tilvitnanir:
"Costs for a hydrogen infrastructure are approximately 5% of the overall cost of FCEVs (€1,000-2,000 per car)"
[...] 
"Current costs for an electric charging infrastructure range from €1,500 - €2,500 per vehicle. The higher end of the range assumes 50% home charging (investment of €200 - €400 per charging station) and 50% public charging at €5,000 for a charging station that serves two cars (€10,000 in the first years)."

Rafbílar, loftbílar o.fl.

Var að skoða þetta blogg . Þarna kemur ýmislegt áhugavert fram.

Hér kemur svo létt tenglasafn frá mér en höfundur áskilur sér allan rétt að koma með greiningartexta síðar

Það eru nú þegar komnar á skrið leigur á ýmsum stöðum með léttbíla og -hjól:
Rafbílaleiga í HR
SegVeyjar komin með 10 Segway hjól til leigu
Blobject-Electric-Car-Cordoba
Petite green cars tempt tourists (BBC)
Blobject-Segway-Tours-Cordoba

Þetta íslenska fyrirtæki ætlar sér eitthvað en óljóst hvernig verkefnið stendur eiginlega og hvernig eða hvort það er fjármagnað: Northern Lights Energy / 2012 Nýtt upphaf  

Greinar og blogg um rafbíla í vefútgáfu Ingeniøren:

Eins og margir fleiri bílaframleiðendur ætlar Nissan sér stóra hluti á rafbílasviðinu. Hér er ágætis FAQ hjá þeim.


Fyrirtækið Better Place hefur verið í sviðsljósinu í Ísrael og Danmörku:
Hér kemur myndband "Better Place Electric Car Switching Station"
Um Better Place í vanda.
Deildar meiningar um Better Place og hugmyndafræði þeirra.

Svo er hér að lokum tengill á The Airpod , sem er loftknúinn:  http://www.mdi.lu/english/

Aðeins um reynslu Dana og Svía varðandi flutning stofnana út á landsbyggðina

Samkvæmt grein á ing.dk hefur það kostað Sikkerhedsstyrelsen 500 þús. danskar krónur pr. starfsmann ( ca. 10,5 millj. ÍKR)að flytja starfsemi sína frá Kaupmannahöfn til Esbjerg.  Stofnunin fékk 40 milljónir DKK á aukafjárveitingu dönsku fjárlaganna.  Flutningurinn telst vera velheppnaður.  Fjórðungur starfsmanna, sem voru allls 80 ákvað að flytja og hina var hægt að ráða á hinu nýja svæði. Svo var hægt að nýta húsnæði sjúkrahúss, sem lagt var niður.  Þetta er nú samt ekki fullrannsakað og skv. dönskum fræðimanni, Klaus Lindegaard, lektor við Center for Landdistriktsforskning ved Syddansk Universitet, sem hefur skoðað málið þá hafa allir þættir ekki verið rannsakaðir. 

Í Svíþjóð hafa 2000 störf verið flutt frá Stokkhólmi og út á land undanfarin ár. Kostnaðurinn af þessu hefur verið 1,1 milljón sænskar kr. pr. starfsmann að meðaltali (870 þús. DKK eða ca. 18,1 millj. ÍKR) 

 Grein

Græðgíngar skulu þeir heita!

Orðið útrásarvíkingar er of göfugt orð fyrir umrædda einstaklinga.
Legg til nýyrðið "Græðgíngar" (inniheldur bæði orðið græðgi og tilvísun í orðasambandið að gína yfir einhverju (eins og t.d. gammar).

Minni á mótmælafundinn í dag, laugardaginn 20. júní á Austurvelli klukkan 15:00. Boðskapur mótmælanna er: Við sættum okkur ekki við að borga ICESAVE gjörninginn, Við viljum fjárglæframenn í fangaklefa og við viljum betri úrræði fyrir heimilin í landinu!

Sjá einnig:  http://www.facebook.com/group.php?gid=46093951562&ref=nf

Tilgangur ESB - Friður og frelsi segir Uffe

Í morgun skrifaði ég að ESB aðild Íslendinga snúist svo sannarlega um margt fleira en Evru og fiskveiðipólitík. Einnig að það virtist sem það hefði algerlega farið framhjá landanum það sem Uffe Ellemann-Jensen skrifaði í Kultur & Debat í Berlingske Tidende þann 28. maí sl.

Skv. Uffe þá er tilgangur ESB friður og frelsi. Hið nána samstarf í fjár- og peningamálum er bara eitt af mörgum meðulum, sem eru notuð til þess að ná þessum markmiðum. "Det står klart og utvetydigt i præamblen til Rom-traktaten – som de forhåbentlig vil studere grundigt i Island i den kommende tid, når der skal tages stilling til, om man vil gå videre i retning af medlemskab. Præamblen beskriver formålet med den europæiske integration – og det er fred og frihed i Europa – mens det tætte økonomiske samarbejde blot er et af de midler, som skal anvendes for at nå disse mål.Som medlem forpligter man sig altså til at være med til at opnå disse mål – også ved at tage medansvar for de mange fælles politiske beslutninger, som træffes i takt med at det politiske samarbejde styrkes."

Íslendingar þurfa virkilega að frelsast af heilum hug til evrópskrar sambandstrúar til þess að eiga eitthvað erindi í söfnuð þennan.

Tengill á grein Uffe í heild sinni: http://www.berlingske.dk/article/20090528/kommentarer/90528143/

 Það er svo fróðlegt að lesa það sem Hans Mehning bloggar í athugasemd við greinina. Hann segist hafa verið meðal þeirra, sem börðust gegn inngöngu Dana í EF (Det Europæiske Fællesskab) eins og það hét á sínum tíma vegna þess að hann og skoðanasystkini væntu þar hinnar svikulu þróunar til ofríkis og takmarkaleysis, sem honum finnst að síðan hafi sýnt sig:
"Vi var og er mange, der kæmpede hårdt i mod landets optagelse i EF fordi vi faktisk forventede den svigefulde udvikling mod overformynderi og grænseløshed, som vi har været vidne til."

Samlíking Hans Mehning á ESB og "Kaninbjerget" (Kanínuheiði, Watership Down, '78) eftir Richard Adams er skondin.

Viljum við Íslendingar verða hluti af því, sem þetta Samband stendur fyrir í heild sinni?

Já, spurning um ESB aðild Íslendinga snýst svo sannarlega um meira en Evru og fiskveiðipólitík. Viljum við Íslendingar verða þátttakendur í því, sem þetta Samband stendur fyrir í heild sinni?  

Það virðist  algerlega hafa farið framhjá mönnum og miðlum hér á landi það sem Uffe Ellemann-Jensen skrifaði í Berlingske Tidende þ. 29. maí sl. Kannski af því að greinin er ekki (finnanleg) á vefnum. Ég fann bara eftirfarandi tilvitnun í greinina: 

"Island sætter kursen mod EU
I en kronik skriver tidligere udenrigsminister Uffe Ellemann-Jensen, at hvis islændingene virkelig ønsker et EU-medlemskab, bør de undgå at gentage Danmarks fejl, og fra starten erkende, at EU ikke kun er en økonomisk ramme.
(Berlingske Tidende 2/23)"
 http://ec.europa.eu/danmark/presse/eu_dagens_aviser/2009/090529_da.htm

Norðmenn veita gjarnan góð ráð

Elliðaárdalur - vatn & vatnsföll (water & waterfalls)

 

Myndir: Elliðaárdalur - vatn & vatnsföll (water & waterfalls)

 

Sjá líka: http://www.facebook.com/album.php?aid=77717&id=721704606&ref=nf

Myndbönd (hægt að keyra hér og/eða hlaða niður sbr. tengla neðst):

Titill: Við stífluna í Elliðaárdal, Reykjavík Lýsing: Gönguferð daginn eftir alþingiskosningarnar 25.4.09 At the Dam in Elliðaárdalur, Reykjavík
Titill: Elliðaárdalur, Reykjavík Skorarhylsfoss(Kermóafoss ) Lýsing: Gönguferð daginn eftir alþingiskosningarnar 25.4.09 Skorarhylsfoss, sem einnig er nefndur Kermóafoss (gott að keyra þetta í slaufu (loop) og afstressa sig í erli dagsins t.d. próflestri :-) Length:0:18

Hægt að hlaða niður AVI skrám hér:

Skrár tengdar þessari bloggfærslu:

• Við stífluna í Elliðaárdal, Reykjavík
• Elliðaárdalur, Reykjavík Skorarhylsfoss(Kermóafoss )

Litið um öxl og fram á veg: Vetni sem orkuberi, efnarafalar og orkugjafar framtíðarinnar

Ég var var að grúska í gömlum skrifdáðum og fann gamlar greinar mínar um mengunarlausa orku á mbl.is, sem ég skrifaði í Morgunblaðið í byrjun janúar árið 1998, s.s. fyrir 10 árum.
Góðir hlutir gerast jú hægt! Skoðið þið þessar greinar og hugleiðið hvað hefur gerst í þessum málum á þeim 10 árum, sem liðin eru síðan ég skrifaði þetta.  Það er alltaf gaman að vera spámannlega vaxinn og ekki verra ef einhverjar spár rætast líka! 
Hefur þetta t.d. ræzt?: "...bílaframleiðendur eru komnir á fullan skrið með áætlanir um að hefja raðframleiðslu vetnisknúinna farartækja innan næstu 10 ára.... Daimler-Benz hefur t.d. á prjónunum að stofnsetja verksmiðjur fyrir vöruflutningabifreiðar í Kanada og fyrir strætisvagna í Þýzkalandi, sem munu eiga að framleiða 100 þús. farartæki á fyrsta ári framleiðslu. Þetta mun s.s. eiga sér stað innan næstu 10 ára".

    

Myndir: Hjalti Páll Ingólfsson hjá íslenskri Nýorku ehf. (2006)

Þróunin í bílum virðist reyndar ætla verða meira á sviði alls kyns tvinnbíla.  Rafmagnsmenn hafa margir meiri trú á rafgeymum sem orkubera heldur en vetni.  Hvað skyldi vera að gerast í orkumálum skipa ? Og flugvéla?

Nú ætla ég að fara aðeins yfir þetta svið á næstunni og skrifa nokkrar línur þar sem litið verður um öxl og fram á veg (bezt að lofa ekki of miklu né vísindalegu í því sambandi)

Greinarnar mínar frá 1998 um mengunarlausa orku:
1.grein af 2:
Mengunarlaus orka Ekki er menguninni fyrir að fara, segir Vigfús Erlendsson í fyrri grein sinni, því eina úrgangsefnið frá ...............
http://www.mbl.is/mm/gagnasafn/grein.html?grein_id=375644 (Fimmtudaginn 8. janúar, 1998)
2.grein af 2:
Mengunarlaus orka Ekki væri úr vegi, segir Vigfús Erlendsson í síðari grein sinni, að íslenzku olíufélögin huguðu að.............
http://mbl.is/mm/gagnasafn/grein.html?grein_id=376839 (Miðvikudaginn 14. janúar, 1998) 
(þarna vantar reyndar einhverjar skýringamyndir þannig að ég verð að reyna að finna upphaflegu skrifin og reyna að veiða myndirnar þaðan)

Það má svo aðeins glugga í kynningarglærur Hjalta Páls Ingólfssonar hjá íslenskri Nýorku ehf. frá Orkuþingi 2006 um Vetnisnotkun í skipum

Svo má líka grínast aðeins: Er Kóbaltdrifinn efnarafall lausnin á orkuvanda jarðarbúa?

Osmótískar virkjanir (dk: saltkraftværk)

Las þessa grein eftir Þorsteinn I. Sigfússon um osmótískar virkjanir í Morgunblaðinu í dag : http://mbl.is/mm/gagnasafn/grein.html?radnr=1183226

Á vegum norska ríkisins (Statkraft) og með stuðningi ESB hafa rannsóknir og undirbúningur á virkjun af þessum toga staðið yfir í nokkurn tíma. Næsta sumar stendur til að reisa 10 kW tilraunavirkjun í Hurum fyrir austan Oslófjörðinn   
Eins og fram kemur í greinunum á ing.dk og mbl.is þá er hér er um að ræða að virkja mismuninn í ákveðinni efnaorku árvatnsins og sjávar þar sem vatn og sjór blandast.  Ef vatn og sjór eru aðskilin með himnum sem hafa osmótíska eiginleika má framkalla mikinn þrýsting sjávarmegin við himnuna. Þessi þrýstingur getur numið tug loftþyngda og þar með svarað til fallhæðar vatnsins um hundrað metra.  Þarna verður umtalsverður þrýstingsmunur , sem getur jafnast á við fallhæð virkjunar eins og Búrfellsvirkjunar.  Það er nanótæknin, sem gerir nú kleift og fýsilegt að framleiða himnur til þessarra nota.

Skoðið þessa grein á vefútgáfu Ingeniören : http://ing.dk/artikel/81163?highlight=osmose 

Mér líst svo sem vel á þetta við fyrstu skoðun en finnst nú líklegt að það þurfi að skoða áhrif slíkra vrikjana á ýmislegt, sem tengist lífríki og umhverfi.
Hvaða áhrif getur þetta t.d. hugsanlega haft á fiskistofna, sem ganga í ár? Hvaða hugsanlega áhrif getur virkjun af þessu tagi haft á framburð jarðefna út í sjó frá jökulám?